Willkommen auf den Seiten des Auswärtigen Amts
ევროკავშირში შესვლის დროებითი შეზღუდვები
გერმანიის საელჩო იუწყება
COVID-19-ის გავრცელების პრევენციის მიზნით გერმანიამ გაითვალისწინა ევროკომისიის რეკომედნაცია და 2020 წლის 30 ივნისამდე გააგრძელა ევროკავშირის არაწევრი ქყვეყნებიდან ევროკავშირის ქვეყნებში მგზავრთა შესვლის აკრძალვა.
ამ აკრძალვას არ ექვემდებარებიან:
- ევროკავშირის, შენგენის ასოცირებული ქვეყნების (ისლანდია, ლიხტენშტაინი, ნორვეგია და შვეიცარია) და დიდი ბრიტანეთის მოქალაქეები და მათი ოჯახის წევრები, რომლებიც ბრუნდებიან მათ მუდმივ საცხოვრებელ ადგილზე,
- სხვა ქვეყნების მოქალაქეები, რომლებსაც აქვთ გრძელვადიანი ბინადრობის უფლება (ეროვნული ვიზის ჩათვლით) და რომლებიც ბრუნდებიან მათ მუდმივ საცხოვრებელ ადგილზე,
- სხვა ქვეყნების მოქალაქეები, რომლებსაც გააჩნიათ მნიშვნელოვანი ფუნქცია ან საჭიროება (ე.წ.„essential functions or needs“). გადაწყვეტილების თანახმად მათ შორის იგულისხმება:
- ჯანდაცვის სფეროს პერსონალი და მკვლევარები, პრაქტიკოსი ექთნების სპეციალობები,
- საზღვარზე მოძრავი პირები, სატვირთო გადაზიდვებისა და სხვა საჭირო დარგების პერსონალი (მაგ. საჰაერო ეკიპაჟი),
- დიპლომატები, საერთაშორისო ორგანიზაციების თანამშრომლები, სამხედრო პერსონალი, ჰუმანიტარული დახმარების პერსონალი, თუ ისინი მათ პროფესიულ საქმიანობას ასრულებენ,
- ტრანზიტული მგზავრები (ასევე ისინიც, ვისაც საკონსულო დახმარების ფარგლებში სამშობლოში აბრუნებენ),
- მგზავრები, რომლებიც გადაუდებელი ოჯახური მიზეზებიდან გამომდინარე მგზავრობენ,
- პირები, რომლებსაც ესაჭიროება საერთაშორისო დაცვა, ან დაცვა სხვა ჰუმანიტარული მიზეზით.
2020 წლის 1 ივლისიდან გამონაკლისებს დაექვემდებარებიან ასევე შემდეგი კატეგორიის მგზავრები:
- ევროკავშირის, შენგენის ასოცირებული ქვეყნების (ისლანდია, ლიხტენშტაინი, ნორვეგია და შვეიცარია) და დიდი ბრიტანეთის მოქალაქეები და მათი ოჯახის წევრები, მიუხედავად იმისა, ბრუნდებიან თუ არია ისინი თავიანთ საცხოვრებელ ადგილზე,
- ევროკავშირის არაწევრი ქვეყნების მოქალაქეები, რომლებიც გერმანიის უნივერსიტეტებში სწავლისთვის ჩამოდიან
- კვალიფიციური სპეციალისტები ევროკავშირის არაწევრი ქვეყნებიდან, რომელთა დასაქმება ეკონომიკური თვალსაზრისით აუცილებელია და მათი სამუშოს გადადება ან უცხოეთიდან განხორციელება შეუძლებელია.