გერმანიასა და საქართველოს შორის განვითარების სფეროში კარგი თანამშრომლობა უკვე 30 წელზე მეტია არსებობს. ამ დროის განმავლობაში გერმანიამ საქართველოს მხოლოდ ფინანსური თანამშრომლობის ფარგლებში ჯამში დაახლოებით 1,5 მილიარდ ევროზე მეტი დახმარება გამოუყო. ამ თანხის უმეტესი ნაწილი შეღავათიანი კრედიტია.
საქართველოსთან თანამშრომლობის მთავარ მიზანს წარმოადგენს პოლიტიკური და ეკონომიკური ტრანსფორმაციის პროცესების ხელშეწყობა და საქართველოს მხარდაჭერა ასოცირების შეთანხმების ფარგლებში ევროკავშირთან დაახლოების გზაზე.
დეტალური ინფორმაცია საქართველოსთან განვითარების სფეროში თანამშრომლობის შესახებ იხილეთ გერმანიის ეკონომიკური თანამშრომლობისა და განვითარების ფედერალური სამინისტროს ვებ-გვერდზე.
საქართველოს მთავრობის ვებ-გვერდზე შეგიძლიათ მოიძიოთ ზოგადი ინფორმაცია ამჟამად საქართველოში გერმანული გრანტებით დაფინანსებული განვითარების სფეროში არსებული ყველა პროექტის შესახებ. საძიებელ ველში „დაფინანსების წყარო“ საძიებელ სიტყვად მიუთითებთ „გერმანია“.
