Willkommen auf den Seiten des Auswärtigen Amts
გერმანიის საელჩოს მცირე პროექტები
სოციალური საწარმო "ბაბალე" © გერმანიის საელჩო
ტექნიკური თანამშრომლობის ფარგლებში, მცირე პროექტების მეშვეობით გერმანიის საელჩო ეხმარება საქართველოს მოსახლეობის სოციალურად დაუცველ ფენებს მათი საცხოვრებელი პირობების გაუმჯობესებაში.
გერმანიის საელჩოს 2026 წლის მცირე პროექტების დაფინანსებაზე განაცხადების მიღების ვადა აქ გამოაქვეყნდება
რა არის მცირე პროექტი?
ეს არის ქართული საზოგადოებრივი ორგანიზაციების (სახელმწიფო ან კერძო) დამოუკიდებელი პროექტები, რომელთა განხორციელებაც გერმანიის საელჩოს ფინანსური დახმარებით იქნება შესაძლებელი. ეს უნდა იყოს ერთჯერადად დასრულებადი პროექტები, რომლებიც მიმართული იქნება ზემოაღნიშნულ მიზნობრივ ჯგუფებზე. საელჩოს წელიწადში შეუძლია დაახლოებით ექვსი მცირე პროექტის დაფინანსება.
რა სახის პროექტები ფინანსდება?
განმცხადებლებისთვის ჩვენ შევადგინეთ მითითებები შემდეგ დოკუმენტში. გთხოვთ განაცხადის შემოტანამდე ყურადღებით გაეცნოთ მცირე პროექტების ხელშეწყობის კრიტერიუმებს.
განაცხადების შემოტანა
ქვემოთ მოცემული ბმულიდან შეგიძლიათ ჩამოტვირთოთ განაცხადის ფორმა ინგლისურ ენაზე. გთხოვთ, გამოაგზავნოთ შევსებული განაცხადის ფორმა, ეროვნულ ვალუტაში (ლარი) შედგენილი ხარჯთაღრიცხვა და განაცხადში ჩამოთვლილი სხვა დოკუმენტაცია მეილის ფორმით შემდეგ მეილზე: ez-100@tifl.auswaertiges-amt.de
გთხოვთ, არ გამოაგზავნოთ მეილის დანართი rar და zip ფორმატში.
თქვენი მეილის სათაურის გრაფაში (subject) მიუთითეთ: small grant
განაცხადის ორიგინალის მოტანა საელჩოში სავალდებულო არ არის.