გერმანიაში შესვლის პირობები და სავიზო განაცხადების მიღება გერმანიის საელჩოში თბილისში
ონლაინ-განაცხადი ვიზის მიღებაზე
ვიზის მისაღებად შემოიტანეთ ონლაინ-განაცხადი აქ. ამით თქვენ წინასწარ მიიღებთ პასუხს, სრულყოფილია თუ არა თქვენი საბუთები. ამის შემდეგ საელჩოში თქვენი ვიზიტი უფრო სწრაფად და ეფექტიანად ჩაივლის: ვიზიტის დროს თქვენ მხოლოდ წარადგენთ საბუთების ორიგინალებს, ჩააბარებთ ბიომეტრიულ მონაცემებს (თითის ანაბეჭდებსა და ფოტოსურათს) და გადაიხდით განაცხადის განხილვის საფასურს.
შემდეგი კატეგორიის ვიზების მიღებაზე თქვენ შეძლებთ ონლაინ-განაცხადის შემოტანას:
- ვიზა - შანსების ბარათი
- ვიზა - ევროკავშირის ლურჯი ბარათი
- ვიზა უმაღლესი განათლების მქონე პირთა დასაქმებისთვის
- ვიზა პროფესიული განათლების მქონე პირთა დასაქმებისთვის
- ვიზა პროფესიული გამოცდილების მქონე პირთა დასაქმებისთვის
- ვიზა კვალიფიკაციის აღიარებისათვის
- ვიზა პროფესიული განათლების მისაღებად/კვალიფიკაციის ასამაღლებლად და პროფესიულ სასწავლებელში ადგილის მოძიებისთვის
- ვიზა უმაღლეს სასწავლებელში სწავლისთვის / ადგილის მოძიებისთვის
სავიზო განაცხადის შემოტანა საელჩოში ქაღალდის ფორმით
შემდეგი კატეგორიის სავიზო განაცხადი ამჟამად ფიზიკურად უნდა შემოიტანოთ საელჩოში:
- ვიზა ოჯახის შეერთებისთვის
- ვიზა Au Pair-საქმიანობისთვის
- ვიზა ენის კურსებზე დასასწრებად
- ვიზა კონტინგენტზე ორიენტირებული მოკლევადიანი დასაქმებისთვის
- ვიზა ჰოსპიტაციისთვის
- ვიზა პრაქტიკის გავლისათვის
- ვიზა მოწვეული მეცნიერებისთვის
- ვიზა საგზაო სატვირთო გადაზიდვების პროფესიონალ მძღოლად დასაქმებისათვის
- ვიზა გერმანიაში ხელმეორედ შესვლისთვის
- ვიზა ისტორიულ სამშობლოში დაბრუნების მსურველი გერმანული წარმოშობის პირებისა და მათი ოჯახის წევრებისთვის
- ვიზა მოხალისეობრივი საქმიანობისთვის (BFD/FSJ)
- შენგენის ვიზა საქართველოს მოქალაქეობის არმქონე პირებისთვის (მოკლევადიანი ვიზიტები, ≤ 90 დღე; აეროპორტის ტრანზიტი)
პროცედურა შემდეგია: თქვენ აქ ეწერებით ვიზიტის დაჯავშნის რიგში . რეგისტრაციის დროს მიიღებთ ჯავშნის ნომერს და ცოტა მოგვიანებით რეგისტრაციის დამადასტურებელ მეილს. საელჩოში ვიზიტამდე დაახლოებით 2 კვირით ადრე თქვენს ელექტრონულ ფოსტაზე მიიღებთ შეტყობინებას და გაცნობებთ იმ თარიღსა და დროს, როდესაც თქვენ უნდა მობრძანდეთ საელჩოში სავიზო განაცხადის შემოსატანად. ამ მეილის მიღებიდან 7 დღის განმავლობაში უნდა დაგვიდასტუროთ ეს თარიღი. სხვა შემთხვევაში ჯავშანი გაუქმდება.
ვიზიტები გაიცემა თანმიმდევრობით რიგში ჩაწერის შესაბამისად. თქვენ მიიღებთ ვიზიტის პირველივე თავისუფალ ადგილს და აღარ მოგიწევთ (როგორც აქამდე იყო) თავისუფალი ადგილის ძიება.
გერმანიის მოქალაქეთა განაცხადები პასპორტის აღებასთან დაკავშირებით კვლავ შეუფერხებლად მიიღება (დაჯავშნა პირდაპირ საელჩოს ვებ-გვერდიდან რიგში ჩაწერის გარეშე).
საკონსულო საკითხებთან დაკავშირებით მიღების საათები კვლავ იქნება ორშაბათს, სამშაბათსა და ხუთშაბათს 14:00-დან 15:00 საათამდე, თუმცა ამჟამად წინასწარ უნდა შეათანხმოთ ვიზიტი. ამისათვის გთხოვთ ტელეფონით დაუკავშირდეთ საკონსულო განყოფილებას (ტელეფონით დაკავშირება შესაძლებელია ორშაბათიდან პარასკევის ჩათვლით 9:00-დან 13:00 საათამდე ნომერზე +995 32 244 73 03).
ვიზების ნავიგატორი
ვიზების ნავიგატორი დაგეხმარებათ, რომ სწრაფად და მარტივად გაიგოთ, რა სახის ვიზა გჭირდებათ გერმანიაში შესვლისა და დარჩენისათვის. უპასუხეთ რამდენიმე კითხვას მგზავრობის მიზნის შესახებ და მიიღეთ ამომწურავი ინფორმაცია იმის თაობაზე, თუ როგორ და სად უნდა შეიტანოთ განაცხადი შესაბამისი ვიზის მისაღებად
