მნიშვნელოვანი კრიტერიუმები მცირე პროექტების დაფინანსებისთვის

ორგანიზაცია:

• პროექტის შემომტანი უნდა იყოს არასამთავრობო ან სახელმწიფო ორგანიზაცია, რომელიც საზოგადოებისთვის სასარგებლო საქმიანობას ეწევა;

პროექტი: 

• პროექტმა რეაგირება უნდა მოახდინოს მოსახლეობის კონკრეტულ რთულ მდგომარეობაზე და გააუმჯობესოს ღარიბი მოსახლეობის ძირითადი პირობები. საპროექტო განაცხადში ახსნილი უნდა იყოს ეს პუნქტი (რა სახით შეიტანს პროექტი წვლილს ამ საქმეში). 

• დაფინანსება შესაძლებელია განსაკუთრებით შემდეგ სფეროებში: ინფრასტრუქტურა (ტრანსპორტი, წყალი, ენერგია), შემოსავლისა და კვების გაუმჯობესება (სოფლის მეურნეობა), გარემოს დაცვა, ჯანდაცვა და სანიტარული მოწყობილობები, სასკოლო და პროფესიული განათლება. 

• პროექტმა სარგებელი უნდა მოუტანოს ადამიანთა დიდ ჯგუფს;

• განმცხადებელმა ორგანიზაციამ ან/და ადგილობრივმა მოსახლეობამ, რომელიც სარგებელს ნახულობს პროექტის ფარგლებში, საკუთარი წვლილი უნდა შეიტანოს პროექტის განხორციელებაში, რაც არ გულისხმობს აუცილებლად ფინანსურ თანამონაწილეობას, არამედ პროექტში ჩართულობას ასევე სხვა ფორმით (მაგ. სამუშაო ძალის გამოყენება);

• პროექტს უნდა ჰქონდეს მდგრადი ხასიათი, ანუ დადებითი შედეგი მოჰყვეს დასრულებიდან მინიმუმ სამი წლის განმავლობაში;

პერიოდი: 

• პროექტი უნდა განხორციელდეს მიმდინარე წლის 31 დეკემბრამდე (31.12.25), ე.ი. ანგარიშსწორებაც უნდა იყოს დასრულებული;

• ეს უნდა იყოს პროექტი, რომელიც ერთჯერადად დასრულდება;

დაფინანსება:

• განმცხადებელ ორგანიზაციას თავად არ აქვს პროექტის მთლიანად დაფინანსების შესაძლებლობა;

• გარანტირებული უნდა იყოს პროექტის სრული დაფინანსება (ე.ი. თუ სრული დაფინანსების მისაღწევად ასევე სხვა ორგანიზაციებშიც მოითხოვეთ ნაწილობრივი დაფინანსება, გარანტირებული უნდა გქონდეთ ამ დაფინანსების მიღება);

• პროექტის ფარგლებში შესაძენი საქონლის შესყიდვა როგორც წესი უნდა მოხდეს საქართველოში ან მეზობელ ქვეყნებში;

• განმცხადებელს უნდა შეეძლოს შესაძლო სამომავლო ხარჯების (მაგ. მიმდინარე ხარჯები) თავად დაფინანსება ან ჰქონდეს მესამე მხარის (მაგ. გამგეობის) თანხმობა ამ ხარჯების დაფინანსებაზე. 

• საელჩოს გრანტი საშუალოდ შეადგენს 10.000 ევროს და შესაძლებელია მოიცავდეს მაქსიმუმ 25.000 ევროს.

• ჰონორარები პროექტის მენეჯერებისათვის და ყოველთვიურად წარმოშობილი მიმდინარე ხარჯები, მაგალითად კომუნალური ხარჯები, საელჩოს გრანტის თანხებიდან არ დაფინანსდება;

განაცხადის შემოტანა:

• საპროექტო განაცხადის გამოგზავნა შესაძლებელია მეილის ფორმით ინგლისურენაზე. გთხოვთ გამოიყენოთ განაცხადის ფორმა, რომელსაც იხილავთ ჩვენს ვებ-გვერდზე.

• განაცხადს თან უნდა ერთვოდეს განსახორციელებელი პროექტის ხარჯთაღრიცხვა, რომელშიც შეძლებისდაგვარად დეტალურად უნდა იყოს აღწერილი მოსალოდნელი ხარჯები (მაგალითად მშენებლობისას: ცემენტი ...ლარი, საღებავი ...ლარი, სამუშაო ... ლარი, და არა ”მშენებლობა” ...ლარი); ხარჯები მითითებული უნდა იყოს ლარში.