2025 წლის 12 ოქტომბრიდან ევროკავშირის ყველა სახელმწიფოში (გარდა კვიპროსისა და ირლანდიისა), ასევე ისლანდიაში, ლიხტენშტაინში, ნორვეგიასა და შვეიცარიაში შემოღებულია საინფორმაციო ტექნოლოგიის ახალი სისტემა შენგენის ზონაში შესვლისა და შენგენის ზონიდან გამოსვლის ციფრული რეგისტრაციისათვის (EES = Entry/Exit System).

გერმანიას აღნიშნული სისტემა ნაბიჯ-ნაბიჯ შემოაქვს - ჯერ დიუსელდორფის აეროპორტში, შემდეგ მაინის ფრანკფურტში, მოგვიანებით კი სხვა აეროპორტებსა და საზღვაო პორტებში. 

ეს რეგულაცია ეხება პირებს, რომლებსაც სურთ შენგენის ზონაში შესვლა მოკლევადიანი ვიზიტით (მაქსიმუმ 90 დღე 180 დღის განმავლობაში). ეს არ ეხება ევროკავშირის, ევროპის ეკონომიკური სივრცისა და შვეიცარიის მოქალაქეებს. თავად მგზავრებს არ მოეთხოვებათ რაიმე დამატებითი ქმედების განხორციელება. ცვლილება მხოლოდ სასაზღვრო კონტროლის პუნქტებში არსებულ პროცედურებზე ვრცელდება:

ქვეყანაში შესვლისას მოხდება სახისა და თითის ანაბეჭდების შედარება. პასპორტში აღარ იქნება დასმული შტამპი. ქვეყანში შესვლა და ქვეყნიდან გასვლა ციფრულად იქნება დამახსოვრებული ევროკავშირის მონაცემთა დაცვის შესახებ კანონის შესაბამისად. გარკვეულ აეროპორტებში მგზავრებს დახვდება თვითმომსახურების ტერმინალები პროცესის დაჩქარების მიზნით. 

დეტალური ინფორმაცია მოცემულია ევროკავშირისა და გერმანიის ფედერალური პოლიციის ვებ-გვერდებზე.