ნასამართლობის ცნობა გერმანიაში
 

ვისაც გერმანიაში არ აქვს მუდმივი საცხოვრებელი ადგილი, მას შეუძლია მოითხოვოს ნასამართლობის შესახებ ცნობა გერმანიის ცენტრალურ ფედერალურ რეესტრში. თუ თქვენ საქართველოში ცხოვრობთ, თქვენი ხელმოწერა ამ განაცხადზე უნდა დაამოწმებინოთ გერმანიის საელჩოში თბილისში. ეს შესაძლებელია საკონსულოს მიღების საათების დროს (ორშაბათს 13:30-დან 14:30 საათამდე, ხოლო სამშაბათს და ხუთშაბათს 14:00-დან 15:00 საათამდე, გარდა დასვენების დღეებისა). გთხოვთ თან იქონიოთ შევსებული, მაგრამ ჯერ ხელმოუწერელი საგანაცხადო ანკეტა, პირადობის დამდადსტურებელი საბუთი (პასპორტი ან პირადობის მოწმობა) და თანხის გადარიცხვის ქვითარი (13 ევრო - გერმანიის იუსტიციის ფედერალურ უწყებაში). ხელმოწერის დამოწმება ფასიანია (გადახდა წარმოებს ლარში საელჩოს გაცვლითი კურსით).
 

პასუხები ნასამართლობის ცნობასთან დაკავშირებულ შეკითხვებზე და ჩამოსატვირთი საგანაცხადო ანკეტა შეგიძლიათ იხილოთ იუსტიციის ფედერალური უწყების ვებგვერდზე. 
 

ნასამართლობის ცნობა საქართველოში
 

გერმანიის საელჩოს თბილისში არ აქვს უფლება საქართველოში თქვენ მაგივრად მოითხოვოს ნასამართელობის ცნობა. ამისათვის გთხოვთ მიმართოთ საქართველოს შინაგან საქმეთა სამინისტროს მომსახურების სააგენტოს.