Willkommen auf den Seiten des Auswärtigen Amts

 KfW განვითარების ბანკი

13.03.2018 - სტატია

KfW-განვითარების ბანკის კომპეტენციაში შედის ფინანსური თანამშრომლობა პატნიორ ქვეყნებთან. იგი გასცემს შეღავათიან კრედიტებს იქ, სადაც გრძელვადიან პერსპექტივაში კაპიტალის ნაკლებობაა ან ბაზარი არასაკმარისად ფუნქიონირებს.

KfW-ს ლოგო
KfW-ს ლოგო© KfW

KfW-ს საბანკო ჯგუფის ფარგლებში KfW განვითარების ბანკი პასუხისმგებელია განვითარებად ქვეყნებთან ფინანსური თანამშრომლობის საკითხებზე.

KfW განვითარების ბანკი თავის პარტნიორებს ეხმარება ეკონომიკურად მომგებიანი და სოციალურად სამართლიანი განვითრების პროცესების დაწყებაში. მთავარი მიზანი არის სიღარიბის შემცირება და ადამიანების, პირველ რიგში კი ყველაზე ღარიბი ფენების საცხოვრებელი პირობების გაუმჯობესება. განვითარების ბანკი ხელს უწყობს ინვესტიციებს ინფრასტრუქტურის, საფინანსო სისტემებისა და გარემოს დაცვის სფეროებში.

KfW განვითარების ბანკი პროექტებს თავად არ ახორციელებს. პროექტზე პასუხისმგებელი არის ყოველთვის შესაბამისი ქვეყნის რომელიმე დაწესებულება. KfW თავის პროექტებსა და პროგრამებს ათანხმებს გერმანიის ტექნიკური თანამშრომლობის პროექტებთან და სხვა ორმხრივი თუ მრავალმხრივი დონორების ღონისძიებებთან. დამატებითი ინფორმაცია KfW განვითარების ბანკის შესახებ გერმანულ ენაზე შეგიძლიათ იხილოთ BMZ-ის ვებ-გვერდზე (გერმანიის ეკონომიკური თანამშრომლობისა და განვითარების ფედერალური სამინისტრო) და თავად KfW-ს ვებ-გვერდზე:


პროექტები:


KfW საქართველოში მრავალ პროექტს აფინანსებს შემდეგ სფეროებში:

  • გარემო და ენერგეტიკა,
  • ეკონომიკის მდგრადი განვითარება და
  • დემოკრატია, სამოქალაქო საზოგადოება და საჯარო ადმინისტრირება.


ამჟამად KfW-ის ყველაზე მნიშვნელოვან პროექტებად ითვლება:

  • ბათუმის წყალმომარაგებისა და საკანალიზაციო ინფრასტრუქტურის რეაბილიტაცია
  • კომუნალური ინფრასტურქტურის პროგრამა გარემოსა და ტურიზმისათვის
  • პროფესიული განათლების ინფრასტრუქტურის ხელშეწყობა
  • ნარჩენების მართვის თანამედროვე სისტემის შექმნა საქართველოს სხვადასხვა რეგიონში
  • საკრედიტო პროგრამა საქართველოში განახლებადი ენერგიის გამოყენების ხელშეწყობისათვის
  • საქართველოში ელექტროგადამცემი ქსელის გაფართოვება და გამყარება (პირველ რიგში შავი ზღვის ელექტროგადამცემი ქსელის პროექტთან მიმართებაში)
  • ენერგოეფექტიანობის ღონისძიებები და შენობებში ევროკავშირის ენერგოეფექტიანობის სტანდარტებთან დაახლოება
  • დაცული ტერიტორიების ხელშეწყობა და ბუნებრივი რესურსების დაცვისა და მენეჯმენტის ღონისძიებათა დაფინანსება
  • ეკონომიკური ინტეგრაცია, საცხოვებელი ფართი და სოციალური ინფრასტრუქტურა იძულებით გადაადგილებული პირებისათვის

  

გვერდის დასაწყისში გადასვლა