Willkommen auf den Seiten des Auswärtigen Amts

ინფორმაცია გერმანიაში შესვლის შეზღუდვებთან დაკავშირებით: ძალაშია 2022 წლის 1 ივნისიდან

Reisende vor Corona-Testcenter am Flughafen

Corona Tests an deutschen Flughäfen., © dpa / Sven Simon

04.08.2021 - სტატია

Covid-19-პანდემიის გამო მრავალი ქვეყნიდან გერმანიაში შესვლაზე მოქმედებს შეზღუდვები. გერმანიაში შესვლისას აუცილებელია ტესტის წარდგენა. გარდა ამისა გარკვეული რეგიონებიდან გერმანიაში შესვლისას მოქმედებს ელექტრონული რეგისტრაციისა და კარანტინში ყოფნის ვალდებულება.

2022 წლის 11 ივნისიდან მოიხსნა გერმანიაში შესვლის შეზღუდვები

2022 წლის 11 ივნისიდან დროებით მოიხსნა COVID-19-თან დაკავშირებული ყველა შეზღუდვა გერმანიაში შესვლისას. გერმანიაში შესვლა კვლავ ყველა სახის ვიზიტის (ასევე ტურისტული და სასტუმრო ვიზიტის) შემთხვევაშია შესაძლებელი. მხოლოდ ჩინეთის სახალხო რესპუბლიკაში მცხოვრები მოქალაქეებისთვის არის საჭირო გერმანიაში შესასვლელად მნიშვნელოვანი მიზეზის არსებობა. გერმანიაში შესვლისას აღარ არის საჭირო აცრის, გამოჯანმრთელების ან ტესტის დამადასტურებელი საბუთის წარდგენა.

ვირუსის მუტაციის ქვეყნებისთვის (ამჟამად არცერთი ქვეყანაა შეფასებული, როგორც ვირუსის მუტაციის ქვეყანა) იმოქმედებს შემდეგი შეზღუდვები.

ვირუსის მუტაციის ქვეყნებიდან გერმანიაში შესვლის რეგულაციები

ის ქვეყნები, სადაც ვირუსის მუტაცია ფართოდ გავრცელდა, გერმანიის მთავრობის მიერ შეფასებულია, როგორც ვირუსის მუტაციის ქვეყნები. ამ ქვეყნების სია ქვეყნდება რობერტ კოხის სახელობის ინსტიტუტის ვებ-გვერდზე.

მგზავრებისთვის, რომლებიც გერმანიაში შესვლამდე ბოლო 10 დღის განმავლობაში ასეთ ქვეყნებში იმყოფებოდნენ, დაწსებულია განსაკუთრებული რეგულაციები. ასევე სატრანსპორტო კომპანიებს (მაგ. ავიაკომანიებს) უფლება აქვთ, მხოლოდ გამონაკლის შემთხევებში გერმანიაში გადაიყვანონ მგზავრები ვურსის მუტაციის ქვეყნებიდან. მგზავრებმა უნდა შეავსონ ელექტრონული განაცხადი, წარადგინონ ტესტის, აცრის ან გამოჯანმრთელების საბუთი და გერმანიაში შესვლის შემდეგ ისინი უნდა გადავიდნენ 14 დღიან კარანტინში. დეტალები იხილეთ ქვემოთ.

სხვა ქვეყნებიდან (რომლებიც არ არიან ვირუსის მუტაციის ქვეყნების სიაში) გერმანიაში შემსვლელთათვის არ მოქმედებს განსაკუთრებული რეგულაციები. განსაკუთრებით აღარ არის საჭირო წინასწარი განაცხადის შევსება და კოვიდ-ტესტის საბუთის წარდგენა.

მგზავრების გადაყვანის აკრძალვა ვირუსის მუტაციის ქვეყნებიდან

იმ ქვეყნებისთვის, სადაც ვირუსის მუტაცია ფართოდ გავრცელდა (ე.წ. ვირუსის ვარიანტის ქვეყნები), დაწესებულია მგზავრების გადაყვანის აკრძალვა. სატრანსპორტო კომპანიები, მაგ. ავია- და სარკინიგზო კომპანიებს არ აქვთ ამ ქვეყნებიდან მგზავრების გერმანიაში ტრანსპორტირების უფლება. მგზავრების გადმოყვანა მხოლოდ იშვიათ გამონაკლის შემთხვევებშია დაშვებული, კერძოდ

  • გერმანიის მოქალაქეებისათვის და იმ პირებისთვის, რომლებისთვისაც გერმანია მუდმივი საცხოვრებელი ადგილია და მათ გააჩნიათ გერმანიაში ბინადრობის უფლება, ასევე მათი მეუღლეებისთვის (ევროკავშირის არაწევრი ქვეყნებიდან, დიდი ბრიტანეთიდან და ჩრდილოეთ ირლანდიიდან შემოსვლის შემთხვევაში: მხოლოდ ის მეუღლეები, რომლების მათთან ერთად ცხოვრობენ) და არასრულწლოვანი შვილებისთვის,

  • იმ პირებისთვის, რომლებიც ტრანზიტული ფრენის დროს მხოლოდ სატრანზიტო ზონაში გაჩერდებიან და

  • ძალიან ცოტა სხვა გამონაკლის შემთხვევებში.

ასევე ამ გამონაკლის შემთხვევებში გერმანიაში შემოსვლამდე აუცილებელია ელექტრონული განაცხადის შევსება და კოვიდ-19-ის ტესტი ან სხვა დამადასტურებელი საბუთი. ასევე უნდა გაითვალისწინოთ კარანტინის გავლის ვალდებულება. დამატებითი ინფორმაცია იხილეთ ქვემოთ.

დამატებითი ინფორმაცია მგზავრების გადაყვანის აკრძალვასთან დაკავშირებით შეგიძლიათ იხილოთ გერმანიის შინაგან საქმეთა სამინისტროს ვებ-გვერდზე და გერმანიის ჯანდაცვის სამინისტროს ვებ-გვერდზე. ვირუსის  მუტაციის ქვეყნების სია ქვეყნდება რობერტ კოხის სახელობის ინსტიტუტის ვებ-გვერდზე.

შესვლის ელექტრონული რეგისტრაცია

მგზავრებმა, რომლებიც გერმანიაში შესვლამდე ბოლო 10 დღის განმავლობაში იმყოფებოდნენ ქვეყნებში, სადაც მოხდა ვირუსის მუტაციები, გერმანიაში ჩასვლამდე ვებ-ვერდზე www.einreiseanmeldung.de უნდა შეავსონ შესვლის საგანაცხადო ფორმა და გერმანიაში შესვლისას უნდა წარადგინონ ამ ფორმის შევსების დამადასტურებელი საბუთი. რეგისტრაცია არ ეხება იმ პირებს,

  • რომლებიც ვირუსის მუტაციის ქვეყნებში მხოლოდ ტრანზიტით იმყოფებოდნენ და იქ არ დაყოვნებულან,

  • გერმანიის გავლით სხვა ქვეყნებში მიემგზავრებიან და ქვეყანას ყველაზე მოკლე გზით კვლავ ტოვებენ, ან

  • სასაზღვრო გადაადგილების ფარგლებში: პირებს, რომლებიც 24 საათზე ნაკლები დროის განმავლობაში იმყოფებოდნენ ვირუსის მუტაციის ქვეყანაში, ან გერმანიაში შემოდიან 24 საათამდე ნაკლები დროით.

  • პირები, რომლებიც რეგულარულად კვეთენ საზღვარს.

თუ გამონაკლის შემთხვევებში შეუძლებელია ელექტრონული განაცხადის შევსება, მაშინ მგზავრებმა სანაცვლოდ უნდა შეავსონ რეგისტრაციის სარეზერვო განაცხადი ქაღალდზე.

დამატებითი ინფორმაცია იხილეთ საინფორმაციო ფურცელზე და გერმანიის ჯანდაცვის სამინისტროს ვებ-გვერდზე.

ტესტის ვალდებულება და აცრის და გამოჯანმრთელების დადასტურების ვალდებულება ვირუსის მუტაციის ქვეყნებიდან გერმანიაში შესვლისას

გერმანიაში შესასვლელად პირები თორმეტი წლის ასაკიდან, რომლებიც ბოლო 10 დღის განმავლობაში იმყოფებოდნენ ვირუსის მუტაციის ქვეყნებში, ვალდებულები არიან, აუცილებლად თან იქონიონ PCR-ტესტის დამადასტურებელი საბუთი.

ტესტი ჩატარებული უნდა იყოს გერმანიაში (დაგეგმილი) შესვლის მომენტამდე მაქსიმუმ 48 საათით ადრე. აღნიშნულისგან განსხვავებით სატრანსპორტო კომპანიის (მაგ. ავიაკომპანიის) მეშვეობით გამგზავრების შემთხვევაში PCR-ტესტი ჩატარებული უნდა იყოს (დაგეგმილი) გამგზავრების დაწყების მომენტამდე (მაგ. თვითმფრინავის აფრენამდე) მაქსიმუმ 48 საათით ადრე.
კოვიდ-საბუთის ვალდებულება ასევე ვრცელდება თვითმფრინავის იმ მგზავრებზე, რომლებიც მხოლოდ ტრანზიტის მიზნით ჩადიან  გერმანიის ერთ-ერთ აეროპორტში. ეს ეხება ტრანზიტულ მგზავრობას როგორც ევროკავშირის არაწევრი ქვეყნებიდან ან ამ ქვეყნებში, ასევე შენგენის ქვეყნებიდან ან შენგენის ქვეყენებში.

კოვიდ-ტესტის დამადასტურებელი საბუთი გამომგზავრებამდე უნდა წარუდგინოთ სატრანსპორტო კომპანიას შესამოწმებლად. მხოლოდ მატარებლით მგზავრობის შემთხვევაში შესაძლებელია აღნიშნული საბუთის წარდგენა მგზავრობის დროს. დამადასტურებელი საბუთი ასევე უნდა წარუდგინოთ გერმანიის სასაზღვრო უწყებებს მოთხოვნის შემთხვევაში. 

საკარანტინო პირობები ვირუსის მუტაციის ქვეყნებიდან შემომსვლელთათვის

გერმანიაში მოქმედებს იზოლაციის ვალდებულება გერმანიაში შემოსვლის შესახებ გერმანიის ჯანდაცვის სამინისტროს დადგენილების თანახმად. 

აღნიშნული დადგენილების მიხედვით მათთვის, ვინც ბოლო 10 დღის განმავლობაში ვირუსის მუტაციის ქვეყნებში იმყოფებოდა, გერმანიაში შემოსვლისას მოქმედებს შემდეგი ვალდებულება:

  • გერმანიაში შესვლისთანავე უნდა გაემართოთ დანიშნულების ადგილას და
  • მოექცეთ თვითიზოლაციაში (კარანტინში) 14 დღის განმავლობაში.

კარანტინის პერიოდში აკრძალულია სახლის ან ბინის დატოვება ან სტუმრის მიღება.

კარანტინი ავტომატურად დასრულდება, თუ შესაბამისი ქვეყანა ამოღებული იქნება ვირუსის მუტაციის ქვეყნების სიიდან.

კარანტინის ვალდებულების გამონაკლისები:

კარანტინის ვალდებულება არ ეხება პირებს

  • რომლებიც ვირუსის მუტაციის ქვეყნებში მხოლოდ ტრანზიტით იმყოფებოდნენ და იქ არ დაყოვნებულან,
  • გერმანიის გავლით სხვა ქვეყნებში მიემგზავრებიან და ქვეყანას ყველაზე მოკლე გზით კვლავ ტოვებენ,
  • რომლებიც სასაზღვრო მიმოსვლის ფარგლებში 24 საათზე ნაკლები დროით იმყოფებოდნენ ვირუსის მუტაციის ქვეყნებში ან მხოლოდ 24 საათამდე დროით შემოდიან გერმანიაში,
  • რომლებიც რეგულარულად კვეთენ საზღვარს - იმ პირობით, თუ მათი საქმიანობა საწარმოს/ორგანიზაციის ფუნქციონირებისათვის გარდაუვალი და აუცილებელია.

დამატებითი ინფორმაცია მოცემულია გერმანიის ჯანდაცვის სამინისტროს ვებ-გვერდზე.

გვერდის დასაწყისში გადასვლა