Willkommen auf den Seiten des Auswärtigen Amts

გერმანიაში შესვლის პირობები, ტესტისა და კარანტინის ვალდებულებები

Reisende vor Corona-Testcenter am Flughafen

Corona Tests an deutschen Flughäfen., © dpa / Sven Simon

04.08.2021 - სტატია

Covid-19-პანდემიის გამო მრავალი ქვეყნიდან გერმანიაში შესვლაზე მოქმედებს შეზღუდვები. გერმანიაში შესვლისას აუცილებელია ტესტის წარდგენა. გარდა ამისა გარკვეული რეგიონებიდან გერმანიაში შესვლისას მოქმედებს ელექტრონული რეგისტრაციისა და კარანტინში ყოფნის ვალდებულება.

გერმანიაში შესვლის შეზღუდვები

გერმანიაში შესვლის ზოგადი შეზღუდვები

ევროკავშირში შეზღუდვები კვლავ მოქმედებს. გერმანიაში შესვლის შეზღუდვებს ადგენს გერმანიის შინაგან საქმეთა ფედერალური სამინისტრო. გთხოვთ, გამგზავრებამდე გაეცნოთ აღნიშნული სამინისტროს  ინფორმაციას, თუ რა სახის შეზღუდვებია დაწესებული იმ ქვეყნის მიმართ, რომლიდანაც მიემგზავრებით გერმანიაში.

გერმანიაში შესვლა ძირითადად დაშვებულია

  • ევროკავშირის წევრი ქვეყნებიდან
  • შენგენის ასოცირებული ქვეყნებიდან: ისლანდია, ნორვეგია, შვეიცარია და ლიხტენშტაინი
  • იმ ქვეყნებიდან, საიდანაც ეპიდემიოლოგიური მდგომარების შეფასებიდან გამომდინარე ევროკავშირის მიერ შესვლა დაშვებულია.

სხვა ქვეყნებიდან შემოსვლა შესაძლებელია ნებისმიერი მიზნით (მათ შორის სტუმრობა, ტურიზმი) მხოლოდ სრულად ვაქცინირებული პირებისათვის. ვაქცინაცია უნდა იყოს ჩატარებული ვაქცინით, რომელიც ჩამოთვლილია პაულ ერლიხის ინსტიტუტის ვებ-გვერდზე და ბოლო აცრიდან გასული უნდა იყოს მინიმუმ 14 დღე.  დამატებით ინფორმაციას ამასთან დაკავშირებით იხილავთ გერმანიის შინაგან საქმეთა სამინისტროს ვებ-გვერდზე. არავაქცინირებული პირებისათვის სხვა ქვეყნებიდან გერმანიაში შესვლა კვლავაც შესაძლებელია მხოლოდ გამონაკლის შემთხვევებში. ამის წინაპირობას წარმოადგენს სასწრაფო აუცილებლობა.

მგზავრების გადაყვანის აკრძალვა ვირუსის მუტაციების ქვეყნებიდან

იმ ქვეყნებისთვის, სადაც ვირუსის მუტაცია ფართოდ გავრცელდა (ე.წ. ვირუსის ვარიანტის ქვეყნები), დაწესებულია მგზავრების გადაყვანის აკრძალვა. სატრანსპორტო კომპანიები, მაგ. ავია- და სარკინიგზო კომპანიებს არ აქვთ ამ ქვეყნებიდან მგზავრების გერმანიაში ტრანსპორტირების უფლება. მგზავრების გადმოყვანა მხოლოდ იშვიათ გამონაკლის შემთხვევებშია დაშვებული, კერძოდ

  • გერმანიის მოქალაქეებისათვის და იმ პირებისთვის, რომლებისთვისაც გერმანია მუდმივი საცხოვრებელი ადგილია და მათ გააჩნიათ გერმანიაში ბინადრობის უფლება, ასევე მათი მეუღლეებისთვის (ევროკავშირის არაწევრი ქვეყნებიდან, დიდი ბრიტანეთიდან და ჩრდილოეთ ირლანდიიდან შემოსვლის შემთხვევაში: მხოლოდ ის მეუღლეები, რომლების მათთან ერთად ცხოვრობენ) და არასრულწლოვანი შვილებისთვის,

  • იმ პირებისთვის, რომლებიც ტრანზიტული ფრენის დროს მხოლოდ სატრანზიტო ზონაში გაჩერდებიან და

  • ძალიან ცოტა სხვა გამონაკლის შემთხვევებში.

ასევე ამ გამონაკლის შემთხვევებში გერმანიაში შემოსვლამდე აუცილებელია ელექტრონული განაცხადის შევსება და კოვიდ-19-ის ტესტი ან სხვა დამადასტურებელი საბუთი. ასევე უნდა გაითვალისწინოთ კარანტინის გავლის ვალდებულება. დამატებითი ინფორმაცია იხილეთ ქვემოთ.

დამატებითი ინფორმაცია მგზავრების გადაყვანის აკრძალვასთან დაკავშირებით შეგიძლიათ იხილოთ გერმანიის შინაგან საქმეთა სამინისტროს ვებ-გვერდზე და გერმანიის ჯანდაცვის სამინისტროს ვებ-გვერდზე. ვირუსის  მუტაციის ქვეყნების სია ქვეყნდება რობერტ კოხის სახელობის ინსტიტუტის ვებ-გვერდზე.

შესვლის ელექტრონული რეგისტრაცია

მგზავრებმა, რომლებიც ბოლო 10 დღის განმავლობაში იმყოფებოდნენ მაღალი რისკის შემცველ ტერიტორიაზე ან ქვეყნებში, სადაც ვირუსის მუტაციებია გავრცელებული, გერმანიაში ჩასვლამდე ვებ-გვერდზე www.einreiseanmeldung.de უნდა შეავსონ შესვლის საგანაცხადო ფორმა და გერმანიაში შესვლისას უნდა წარადგინონ ამ ფორმის შევსების დამადასტურებელი საბუთი. რეგისტრაცია არ ეხება იმ პირებს,

  • რომლებიც მაღალი რისკის შემცველ ქვეყნებში ან ქვეყნებში, სადაც ვირუსის მუტაციებია გავრცელებული,  მხოლოდ ტრანზიტით იმყოფებოდნენ და იქ არ დაყოვნებულან,,

  • გერმანიის გავლით სხვა ქვეყნებში მიემგზავრებიან და ქვეყანას ყველაზე მოკლე გზით კვლავ ტოვებენ, ან

  • სასაზღვრო გადაადგილების ფარგლებში: პირებს, რომლებიც 24 საათზე ნაკლები დროის განმავლობაში იმყოფებოდნენ მაღალი რისკის შემცველ ტერიტორიაზე ან ქვეყნებში, სადაც ვირუსის მუტაციებია გავრცელებული, ან გერმანიაში შემოდიან 24 საათამდე ნაკლები დროით.

  • პირები, რომლებიც რეგულარულად კვეთენ საზღვარს.

მაღალი რისკის შემცველ  ქვეყნებში (მაგრამ არა ვირუსის მუტაციების მქონე ქვეყნებში) ყოფნის შემდეგ გერმანიაში შემოსვლისას არსებობს გამონაკლისი 72 საათზე ნაკლები დროით ახლო ნათესავებთან (მშობლები, შვილები), ცალკე მცხოვრებ მეუღლეებთან სტუმრობისთვის ან გაყოფილი მეურვეობის უფლების განხორციელებისთვის.

გაითვალისწინეთ: ელექტრონული რეგისტრაცია უნდა მოხდეს მხოლოდ ვებ-გვერდის  www.einreiseanmeldung.de -ს მეშვეობით და არის უფასო. სასაზღვრო კონტროლისას აღიარებული იქნება მხოლოდ ამ ვებ-გვერდის მეშვეობით გაცემული დადასტურებები.

თუ გამონაკლის შემთხვევებში შეუძლებელია ელექტრონული განაცხადის შევსება, მაშინ მგზავრებმა სანაცვლოდ უნდა შეავსონ რეგისტრაციის სარეზერვო განაცხადი ქაღალდზე.

დამატებითი ინფორმაცია იხილეთ საინფორმაციო ფურცელზე და გერმანიის ჯანდაცვის სამინისტროს ვებ-გვერდზე.

ტესტის ვალდებულება და აცრის და გამოჯანმრთელების დადასტურების ვალდებულება გერმანიაში შესვლისას

2021 წლის 23 დეკემბრიდან გერმანიაში შესასვლელად პირები ექვსი წლის ასაკიდან ვალდებულები არიან, თან იქონიონ კოვიდ-საბუთი. პირებმა ექვსი წლის ასაკიდან გერმანიაში შესვლისას უნდა წარადგინონ ტესტის, კოვიდისგან გამოჯანმრთელების ან აცრის დამადასტურებელი საბუთი. ტესტი (ანტიგენის ან PCR)  ჩატარებული უნდა იყოს გერმანიაში (დაგეგმილი) შესვლის მომენტამდე მაქსიმუმ 48 საათით ადრე. აღნიშნულისგან განსხვავებით სატრანსპორტო კომპანიის (მაგ. ავიაკომპანიის) მეშვეობით გამგზავრების შემთხვევაში PCR-ტესტი ჩატარებული უნდა იყოს (დაგეგმილი) გამგზავრების დაწყების მომენტამდე (მაგ. თვითმფრინავის აფრენამდე) მაქსიმუმ 48 საათით ადრე. ანტიგენის ტესტი სატრანსპორტო კომპანიის მეშვეობით გამგზავრების შემთხვევაშიც ჩატარებული უნდა იყოს გერმანიაში (დაგეგმილი) შესვლის მომენტამდე მაქსიმუმ 48 საათით ადრე.

ვირუსის ვარიანტის ქვეყნებიდან შემოსვლის შემთხვევაში სავალდებულოა  PCR-ტესტის დამადასტურებელი საბუთის წარმოდგენა. მხოლოდ ანტიგენის ტესტის და კოვიდისგან გამჯანმრთელების ან აცრის დამადასტურებელი საბუთი ამ შემთხვევაში არ არის საკმარისი.  
კოვიდ-საბუთის ვალდებულება ასევე ვრცელდება თვითმფრინავის იმ მგზავრებზე, რომლებიც მხოლოდ ტრანზიტის მიზნით ჩადიან  გერმანიის ერთ-ერთ აეროპორტში. ეს ეხება ტრანზიტულ მგზავრობას როგორც ევროკავშირის არაწევრი ქვეყნებიდან ან ამ ქვეყნებში, ასევე შენგენის ქვეყნებიდან ან შენგენის ქვეყენებში.

იმ პირებისთვის, რომლებიც რეგულარულად კვეთენ საზღვარს, დამადასტურებელი საბუთის წარდგენის ვალდებულება ვრცელდება მხოლოდ მაღალი რისკის ქვეყნებიდან, ვირუსის ვარინატის ქვეყნებიდან ან საჰაერო გზით გერმანიაში შესვლის შემთხვევაში. მაღალი რისკის ქვეყნებიდან საჰაერო გზით გერმანიაში შესვლის შემთხვევაში ტესტის უარყოფითი პასუხის წარგენა საჭიროა მხოლოდ კვირაში ორჯერ.

იმ პირებმა, რომლებიც სასაზღვრო მიმოსვლის ფარგლებში 24 საათზე ნაკლები დროით იმყოფებოდნენ მაღალი რისკის ან ვირუსის ვარიანტის ქვეყნებში ან მხოლოდ 24 საათამდე დროით შემოდიან გერმანიაში, ახალი ტესტის უარყოფითი პასუხი უნდა წარმოადგინონ მხოლოდ ორჯერ კვირაში.

ტესტის, კოვიდისგან გამოჯანმრთელების ან აცრის დამადასტურებელი საბუთი გამომგზავრებამდე უნდა წარუდგინოთ სატრანსპორტო კომპანიას შესამოწმებლად. მხოლოდ მატარებლით მგზავრობის შემთხვევაში შესაძლებელია აღნიშნული საბუთის წარდგენა მგზავრობის დროს. გერმანიის სასაზღვრო უწყებების გარდა კოვიდ-საბუთი მოთხოვნის შემთხვევაში უნდა წარედგინოს ასევე სხვა უწყებებს.
 

მოთხოვნები დამადასტურებელი საბუთებისადმი

ვირუსის ვარიანტის ქვეყნებიდან გერმანიაში შესვლის შემთხვევაში აუცილებელია PCR-ტესტის საბუთის წარდგენა. ამ შემთხვევაში არ არის საკმარის ანტიგენის სწრაფი ტესტის, კოვიდისგან გამოჯანმრთელების ან აცრის დამადასტურებელი საბუთის წარდგენა. სატრანსპორტო კომპანიის (მაგ. ავიაკომპანიის) მეშვეობით გამგზავრების შემთხვევაში PCR-ტესტი ჩატარებული უნდა იყოს (დაგეგმილი) გამგზავრების დაწყების მომენტამდე მაქსიმუმ 48 საათით ადრე. გარდა ამისა, გერმანიის უწყებებმა შეიძლება დამატებით მოითხოვონ გერმანიის ფედერაციულ რესპუბლიკაში შესვლის შემდეგ PCR-ტესტის ჩატარება ჩასვლის ადგილზე (მაგ. აეროპორტში).

დამატებითი ინფორმაცია შეგიძლიათ იხილოთ გერმანიის ჯანმრთელობის ფედერალური სამინისტროს ვებგვერდზე

  • აცრილი პირებისთვის:

Covid-19-ზე ჩატარებული სრული ვაქცინაციის დამადასტურებელი საბუთი უნდა იქონიოთ გერმანულ, ინგლისურ, ფრანგულ, იტალიურ ან ესპანურ ენებზე ელექტრონული ან ქაღალდის ფორმით (მაგ. ევროკავშირის კოვიდ სერტიფიკატი ან WHO-ის აცრების ყვითელი პასპორტი). დამადასტურებელი საბუთის ფოტო საკმარისი არ არის.

აცრა განხორციელებული უნდა იყოს ევროკავშირში დაშვებული ვაქცინებით და მინიმუმ ორი დოზით. ევროკავშირის არაწევრ ქვეყნებში აცრა შეიძლება განხორციელებული იყოს ექვივალენტური ვაქცინებით. ამ ვაქცინების სია იხილეთ აქ.

  • ერთი დოზით აცრა საკმარისია მხოლოდ იმ შემთხვევაში, თუ დამატებით წარმოდგენილი იქნება შემდეგის დამადასურებელი საბუთი:
  • ერთი დოზით ვაქცინირებამდე ანტისხეულების ტესტით დადასტურებულია გადატანილი კორონა ინფექცია და შემდეგ განხორციელებულია ერთი დოზით აცრა; ან
  • ერთი დოზით ვაქცინირებამდე ნუკლეინის მჟავით (მათ შორის PCR-ტესტით) დადასტურებულია კორონა ინფექციის არსებობა; ან
  • ერთი ცალკეული დოზით ვაქცინირების შემდეგ ნუკლეინის მჟავით (მათ შორის PCR-ტესტით) დადასტურებულია კორონა ინფექციის არსებობა და ტესტის ჩატარებიდან გასულია 28 დღე.

ვაქცინაციის დამადასტურებელი საბუთი უნდა შეიცავდეს შემდეგ მონაცემებს:

  • აცრილი პირის პერსონალური მონაცემები (მინიმუმ გვარი, სახელი და დაბადების თარიღი ან პასპორტი / პირადობის მოწმობა / პირადობის მოწმობის ნომერი),
  • ვაქცინაციის თარიღი და ვაქცინების რაოდენობა,
  • ვაქცინის დასახელება,
  • დაავადების დასახელება, რომლის წინააღმდეგაც გაკეთდა აცრა,
  • ვაქცინაციის ჩატარების ან სერტიფიკატის გამცემი პასუხისმგებელი პირის ან დაწესებულების დამახასიათებელი სიმბოლოები, მაგალითად ოფიციალური სიმბოლო ან გამცემის სახელი.
  • შესაბამის შემთხვევაში: შემდგომი სრული დაცვისთვის საჭირო ბუსტერ-დოზის და შესაბამისი დროების მონაცემები. საჭირო ბუსტერ-ვაქცინები გამოქვეყნებულია პაულ ერლიხის სახ. ინსტიტუტის ვებ-გვერზე.

აცრის დადასტურების აღნიშნული მოთხოვნები ძალაშია 2022 წლის 30 სექტემბრამდე. 1 ოქტომბრიდან კი ძირითადად სავალდებულო იქნება სამი ცალკეული დოზით აცრის დადასტურება.

  • გამოჯანმრთელებული პირებისთვის:

PCR-ტესტის დადებითი პასუხი, რომელიც გაკეთებული უნდა იყოს მაქსიმუმ 90 დროთ და მინიმუმ 28 დღით ადრე. დამატებითი მითითებები იხილეთ რობერტ კოხის სახ. ინსტიტუტის ვებ-გვერზე.

საკარანტინო პირობები

გერმანიაში მოქმედებს იზოლაციის ვალდებულება გერმანიაში შემოსვლის შესახებ გერმანიის ჯანდაცვის სამინისტროს 2022 წლის 15 იანვრის დადგენილების თანახმად

აღნიშნული დადგენილების მიხედვით მათთვის, ვინც ბოლო 10 დღის განმავლობაში მაღალი რისკის შემცველ ან მუტაციების მქონე ქვეყნებში იმყოფებოდა, გერმანიაში შემოსვლისას მოქმედებს შემდეგი ვალდებულება:

  • გერმანიაში შესვლისთანავე უნდა გაემართოთ დანიშნულების ადგილას და
  • მოექცეთ თვითიზოლაციაში (კარანტინში). მაღალი რისკის ქვეყნებში ყოფნის შემდეგ გერმანიაში შემოსვლის შემთხვევაში თვითიზოლაციის პერიოდი შეადგენს 10 დღეს, მუტაციების მქონე ქვეყნებიდან შემოსვლის შემთხვევაში 14 დღეს.

კარანტინის პერიოდში აკრძალულია სახლის ან ბინის დატოვება ან სტუმრის მიღება.

კარანტინი ავტომატურად დასრულდება, თუ შესაბამისი ქვეყანა ამოღებული იქნება მაღალი რისკის ან ვირუსის ვარიანტის ქვეყნების სიიდან.

კარანტინის ვალდებულების გამონაკლისები:

კარანტინის ვალდებულება არ ეხება პირებს

  • რომლებიც მაღალი რისკის შემცველ (არა ვირუსის მუტაციის მქონე ქვეყნებში) მხოლოდ ტრანზიტით იმყოფებოდნენ და იქ არ დაყოვნებულან,
  • გერმანიის გავლით სხვა ქვეყნებში მიემგზავრებიან და ქვეყანას ყველაზე მოკლე გზით კვლავ ტოვებენ,
  • რომლებიც სასაზღვრო მიმოსვლის ფარგლებში 24 საათზე ნაკლები დროით იმყოფებოდნენ მაღალი რისკის ან ვირუსის ვარიანტის ქვეყნებში ან მხოლოდ 24 საათამდე დროით შემოდიან გერმანიაში,
  • რომლებიც რეგულარულად კვეთენ საზღვარს და მაღალი რისკის ქვეყნებიდან შემოდიან,
  • რომლებიც რეგულარულად კვეთენ საზღვარს და ვირუსის ვარიანტის ქვეყნებიდან შემოდიან - იმ პირობით, თუ მათი საქმიანობა საწარმოს/ორგანიზაციის ფუნქციონირებისათვის გარდაუვალი და აუცილებელია,
  • რომლებიც მაღალი რისკის ქვეყნებიდან/ქვეყნებში (მაგრამ არა ვირუსის ვარიანტის ქვეყნებიდან/ქვეყნებში) ახლო ნათესავებს (მშობლებს, შვილებს, მეუღლეებს, რომლებთან ერთადაც ისინი არ ცხოვრობენ) 72 საათზე ნაკლები დროით სტუმრობენ.

მაღალი რისკის მქონე ქვეყნებში ყოფნის (და არა ვირუსის მუტაციის მქონე ქვეყნებში ყოფნის შემთხვევაში) უნდა გაითვალისწინოთ:

კარანტინის დროზე ადრე დასრულება შესაძლებელია, თუ წარმოადგენთ ნეგატიურ ტესტს, აცრის საბუთს ან გამოჯანმრთელების საბუთს. ტესტის შემთხვევაში ტესტის ჩატარება შესაძლებელია მხოლოდ გერმანიაში შესვლიდან მე-5 დღეს.

12 წლამდე ასაკის ბავშვებისათვის კარანტინის სრულდება დადასტურების გარეშეც გერმანიაში შესვლიდან 5 დღის (და არა 10 დღის) შემდეგ.

ვირუსის მუტაციის მქონე ქვეყნებში ყოფნის შემთხვევაში:

კარანტინის ვადის შემცირება დაუშვებელია. თუ შესაბამისი ქვეყანა კარანტინის დროს შეფასდება როგორც მაღალი რისკის ქვეყანა და აღარ ჩაითვლება ვირუსის მუტაციის მქონე ქვეყანად, მაშინ ვრცელდება მაღალი რისკის მქონე ქვეყნებისთვის დაწესებული რეგულაციები დასახელებულ გამონაკლისებთან ერთად.

დამატებითი ინფორმაცია მოცემულია გერმანიის ჯანდაცვის სამინისტროს ვებ-გვერდზე.

გვერდის დასაწყისში გადასვლა